اوا تان زندگیو ݯھترار شہراری بو دودیری تان دیہہ آرام اوچے سکونو سورہ تیراٶ اوشتم۔ شکل و صورت مہ بو ݰیلی وا ہو سوم جوستہ مہ اخلاق وا باپردہ بیک پورہ دیہہ مشہور بیتی اوشوئے ۔ جُو مس پروشٹی اوا میٹرکو پیپران دیتی اسیتام وا م سوم جوستہ مہ دیہو خور ژورگینی دی تان سکولہ بو قابل بیکو وجہین مہ سکولو استاذان کمپیوٹر رے مہ نامو گناو اوشتانی۔ پرچہ دیتی تروئے مس بیتی اوشوئے ای انوس مہ ای بو ݰوئے ملگیری مہ نسہ گیتی متین ریر کی۔”اے انیلہ تیز ہیا گے اسپہ نتیجہ گیتی شک بیرانی،تیزاو لوڑیسی۔“ہے لوٶ کار کوری مہ ہردی روپھیرو غون ہوے ،دے دے بی تان براروتین تان رول نمبرو دیتی مہ ریزلٹان چیک کو ریکو ہسے جام رے مہ رولنمبرو نیویشیکو مہ قالب رونځیکہ پرائے، مہ اپکار الفاظ دی ادا نو ہونی وا مہ ہردیار ہیہ دعا نیستائے کی اے الله مہ جام نمبران سورہ پاس کو۔ اللہ مہ دعو قبول کوتائے وا بو جام نمبران سورہ پاس ہوتام۔
ہردیہ ڈاکٹر بیکو خوشپو گنی تان سبقان دوبارہ شروع کوتام۔مہ زندگیو مقصد تان نان تتانتین خذمت کوریک اوشوئے وا ہے مقصدو ڈاکٹر بیتی پورہ کوریک مݰکاو اوشتام۔ ہے راہہ ای لوٹ رکاوٹ مہ دورو غربت اوشوئے۔ مہ تتو مزدوریہ ہاول دورو خرچہ پورہ باو اوشتائے۔ ہݰ حالتہ سبق رے ڈاکٹر بیک مہ بچین ای بو لوٹ چیلینج اوشوئے لیکن اوا تان ہردیہ مضبوط ارادہ کوری اسیتام کی ڈاکٹر ضرور بوم اور تان ملکوتین واتان نان تتان تین خذمت کوم۔
ای انوس تان شانہ نیشی زپ نیگاو اوشام،مہ نان تھیسوم جوشار گیتی ڈانگہ ما دادو تین چاۓ لچھاو اوشتائے وا مہ دادا مزدوریار خسمت بیتی گیتی تختہ نیشیتائے۔ہانیہ تان ای ماما دی مہ دوری داخل ہوئے،لوٹ قالبو سوم اݰکامہ رے مو راو لہ چایو پریٹیو بہکی،لوٹ لوٹ دون و تیت دی تق ځیہچ،کپالتو ای درو دراک نکی،سملتان کی پوشتاٶ زران بوس۔گیتی مہ دادو گونہ نیشتائے ݯت غیچھان بوٶ غون کوری مہ لوڑیتائے۔لوڑیکو اوا زپان دی اتیرہ پیڅھی دورو اندرینتو بغاتام۔پھوک مودہ اچہ کا ہوئیی پرائے تہ سوم کوروم شیر ہیا گئیے رے۔مہ نان تختہ بی اتیتان گونہ نیشتائے۔ پھوک مودہ اچا اتے ویتھا نسو موش اف نیسی بغائے۔
شامو ݰپیکو ژوتی کتابان یو گانیستم مہ دادا ریتائے کی مہ ژور انیلہ چھوچی پنجابی گونیان تو تیار بیتی ہال بوس۔اوا ریم کی دادا کھیو بچین گونیان۔مہ نان متین قہری بیتی ریر کی پھوک نو بوسنہ تان دادو موخار گوسانہ ہا۔ نانو سار بشار کوتام مہ شیرین نان لو دیت کی کیا لو شیر۔نانو جوابو کار کوری مہ دنیا ای چھوئے سریتائے بیکو نان ریر کی لو نو دیت پھیک بیتی تان دادو لوٶ کار کی نو کوتاو تہ نابہیل کوسیان۔ہیہ لوٶ کار کوری مہ ڈاکٹر بیکو خوشپ وا مستقبلو اتے منصوبہ سف متین خدایار کوتانی۔کیڑیتام ژیرغیتام مگر بے سود۔
چھوچو جوش بجا مہ ش
ݰابوکانان مہ انجئیتانی وا اوا کفانان انجی قبروتین تیار ہوتام۔ای ݯت ژریغ ہوئے جمار ہائے ریتانی۔شماغو موژن اف لوڑیتام جی 70سالہ بابا ای ہائے،،،،موخ ش
ݰوم ݰا کاغو غونہ،اپاکی دونان پتا نکی،صحتو کی لوڑیتاو جو بسو مہمان،گورو ٹیکہ اسور ہنون یا چھوچی پھایوتے ٹکٹ گیکو بݰ۔انگیتی مہ نسہ نیشئیتانی امام اسپہ نکاح کوتائے وا یے فرشتوسوم کوری مہ دورو روئے مہ دوزخوتین حوالہ کوتانی۔
پنجابو ای دیہہ مہ اوانی نہ اوغو دارک نا بجلیو۔نہ اتیت مہ زبانو ہوݰ کونیان نہ اواتیتان بس اتے باپو ای لوٶ ہوݰ کوتام کی دو لاکھ روپیہ تہ گانی اسوم۔ لش بیتی تروا
ئے مس پھائے بغانی ای انوس دوری ہش کا نو اسیتانی اوا غیژی دوری اسیتام ای لوٹ قالبو سوم واو ہائے لوڑیتام کی تروئے جوانان وا توسوم اسونی۔بشار کوتام پسہ کا ریکو اسے مہ ہے موشو اویلو بوک بیرائے وا ہتیت ہو اژیلی۔اتے واٶ مہ خامیکوسوم اتو ژاٶگینی دی ہانی اول سف ای بیتی مہ بان پرانی کیاوتکی مہ موژہ طاقت ختم ہوئے،آواز نیکو صلاحییت ختم ہوٸے تھے اتیت چاقو مہ بوکی لاکھیتانی پھوک مودہ اچہ لوڑیتام کی اتے کمرہ مہ لیٸار ٹپ بیتی شیر۔ہانیہ ٹھونگیو ای گانی مہ ٹکڑا کورک شروغ کوریستانی،مہ قالب جھٹکہ پرائے اور انگہ ہوتام کی خوشپ بیرائے، چھویو 2 بجا بیتی شیر۔انگہ تان اسیتم ایمبولینس آواز کوتائے پھوک مودا اچا پتا ہوئے کی لاہورہ شادی شدہ قتل بیرو اسپہ ژورو لاشو انگیرو بیرانی۔
