تان روایاتان پوؤ ݯھونی مئیر تنظیم کھوار نامو ہیہ شمارو مولانگاہ نگاہ مرحومو نامہ کورویان۔ݯھترارو ݯھوتی تان پازہ ہروݰ علمی،ادبی،ثقافتی اوچے سماجی شخصیاتان باردئیے گیتی شیر کی ہتیت مختلف شعبا کیہ نو کیہ حاجتہ گیکوبݰ کوروم کوری اسونی۔ تعلیم، درس و تدریس، ادب، ثقافت، موسیقیو سوم خور بیچانہ بو رویان کاردو کوروم یادگار شینی۔ ہے رویان موژی مولانگاہ نگاہ مرحوم دی اسور کی ہیس عملی زندگیو درس وتدریسو شعبا شروع کوری شعرو ادبہ دی داد دیکو بݰ کوروم اریر۔کھوار ادبو سوم جوستہ اردو ادبہ دی نویوکو کوروم کوری تان حصو دریتائے ۔ ہورو نیویشیرومزاحیہ نظم ہرونی مقبول ہونی کی مثال پیش کورین نو بویان وا تحقیقو امبیژا ہورو تحریران جواب نِکی۔ تریچو زوندرانگرامہ ۱۹۴۹ عیسویی اژی کریٹ ۷۰ سال عمر تیرئیے څینگورا امانتو پیژیمیتائے وا ہے ݯھوتیہ پوتھور ہوئے
